Kengaytirilgan
 
 

MIT.UZ Open Data Challenge 2016 haqida ma'lumot

MIT.UZ Open Data Challenge 2016

26-27-noyabr kunlari Toshkentda MIT.UZ Open Data Challenge 2016 – ilovalarni, ochiq ma'lumotlardan foydalangan holda, ishlab chiqish boʻyicha har yilgi tanlov boʻlib oʻtadi. Tadbir Oʻzbekiston Respublikasi axborot texnologiyalari va kommunikatsiyalarini rivojlantirish Vazirligi, BMTTD Oʻzbekistondagi vakilligi, YIH "Kamolot", UZINFOCOM markazi, "Elektron hukumat" tizimini rivojlantirish markazi va Toshkentning Inxa universiteti tomonidan hamkorlikda tashkil etildi.

MIT.UZ Open Data Challenge – bu dasturchilar, dizaynerlar va jurnalistlar jamoalarining ochiq hukumat ma’lumotlariga asoslangan mahsulotlarni tez ishlab chiqish boʻyicha musobaqa. Open Data Challenge ning farqi shundaki, guruhlar aniq belgilab berilgan muddat ichida harakatlanishlari lozim: ikki kun ichida abstract gʻoyalar, infografika va maqolalar yangi veb yoki mobil xizmatlarning tajriba namunalariga yohud alfa-koʻrinishlariga aylanadilar.
Uch kunlik qizgʻin faoliyat natijasida, MIT.UZ Open Data Challenge 2016 ishtirokchilari turmushning barcha jabhalarida: moliya, transport, ta’lim, sogʻliqni saqlash, ekologiya va h.k. foydali boʻlgan yangi loyihalarni taqdim etadilar. Shunday qilib, mobil va veb-ilovalar, infografika, media-loyihalar, maqolalar tadbirning moddiy mahsuli boʻladi.

Loyihalarni ishlab chiqishdan tashqari, MIT.UZ Open Data Challenge 2016 doirasida ma’lumotlar jurnalistikasi boʻyicha master-klasslar hamda dasturchilar uchun ochiq ma’lumotlar bilan ishlashga oid treninglar boʻlib oʻtadi.

2015-yilda oʻtkazilgan tanlov natijalari bilan quyidagi havoladan oʻtib tanishishingiz mumkin.

Tadbir nizomi bilan quyidagi havola orqali tanishishingiz mumkin.

Ishtirokchilar

Ushbu tadbirga quyidagilar taklif etiladilar:

1. Ishlab chiqish mutaxassislari, dasturchilar, grafika dizaynerlari, internet-tadbirkorlari.
2. Tahlilchilar, jurnalistlar, faollar hamda ochiq ma’lumotlar haqida tushunchaga ega boʻlishni istaganlarning barchasi.

Ishtirokchilar uchun Open Data Chellange MIT.UZga umumiy API kalit: "265cb8c6a741d74a1d51e71d3084ace5".

Bevosita ishtirok nima uchun kerak?

MIT.UZ Open Data Challenge 2016 da Siz:

  • Oʻzbekistondagi turmush tarzini yanada qiziqarliroq va qulayroq qilish imkonini beruvchi gʻoyalardan birini amalga oshirish
  • Oʻz noyob gʻoyangizni keng omma e’tiboriga havola etish
  • Guruhga yetishmagan a’zolarni izlab topish yoki mavjud guruhga qoʻshilib olish
  • Qimmatbaho sovgʻ va mukofotlarni yutib olish
  • Mentorlarning muhim maslahatlarini olish
  • 24 soat ichida tayyor yangi loyiha yoki namunani ishlab chiqish tajribasiga ega boʻlish
  • Haqiqiy hakerlar muhitiga shoʻngʻish. Pissa, qahva, pishiriqlar sizga muntazir boʻladi.

Mentorlar

MIT.UZ Open Data Challenge 2016 tashkilotchilari mentorlar – dasturlash, dizayn, ommaviy ishtirok hamda ochiq ma’lumotlarni tahlil etish va ulardan foydalanish sohasidagi mutaxassis-ekspertlarni taklif etganlar, ular guruhlarga maslahatlar berib, loyihalar ustida ish olib borishga koʻmaklashadilar.

Shartlar

Asosiy shart – mahsulot namunasi (ilova, xizmat, infografika yoki maqola) toʻliqligicha MIT.UZ Open Data Challenge 2016da yaratilgan boʻlishi darkor va mavjud mahsulotni rivojlantirishga urinish boʻlishi mumkin emas. Bunda, ilgari tuzilgan ishlanma, adabiyot va modullardan tanlov doirasida qiymati qoʻshilgan component sifatida foydalanish mumkin.

MIT.UZ Open Data Challenge 2016da ishtirok etish barcha uchun bepul boʻlib, ishtirokchilaring roʻyxatdan oʻtishlari talab etiladi xolos. Tashkilotchilar ishtirokchilarni nonushta, internet va ish muhiti bilan ta’minlaydilar.

Nominatsiyalar

Barcha loyihalarning taqdimoti 2016-yil 27-noyabrda boʻlib oʻtib, bunda davlat organlari, jamoatchilik, biznes, betaraf ekspert vakillaridan iborat boʻlgan vakolatli hakamlar hay’ati quyidagi nominatsiyalar boʻyicha gʻoliblarni aniqlaydilar:

  1. Ochiq ma’lumotlarga asoslangan eng yaxshi ijtimoiy loyiha (mobil yoki veb-ilova)
  2. Ochiq ma’lumotlarga asoslangan eng yaxshi biznes loyiha (mobil yoki veb-ilova)
  3. Ochiq ma’lumotlarga asoslangan namoyishning eng yaxshi yechimi (infografika yoki maqola)
Qanday ilovalar ishlab chiqilishi mumkin? Ular: ayrim biznes, ekologiya yoki ijtimoiy jarayonlarga oid yechimlarni aks ettirishi yohud fuqarolar va tadbirkorlarga yordam berishga yonaltirilgan xizmatlar ham mumkin. Ehtimol, ilova ma’lumotlarni tezkor namoyish etish bilan bogʻliq yechim koʻrinishida boʻlar. Balki, biron-bir yoʻnalish yoki data.gov.uz portal ma’lumotlarini kiritishga oid infografika boʻlar.
Gʻoyalar juda koʻp boʻlishi va ular faqat sizning tasavvur va imkoniyatlaringiz bilan chegaralanishigina mumkin.
Eng yaxshi loyihalarni davlat organlari, notijorat sektori, biznes, yetakchi texnik mutaxassislar vakillaridan iborat boʻlgan hakamlar hay’ati tanlab oladi. Gʻoliblar qisman jamoatchilikning ovoz berishi asosida ham baholanadi. Tanlov gʻoliblariga loyihalari ustida ishni davom ettirish uchun moliyaviy va ekspert yordami ajratiladi.

Roʻyxatdan oʻtish

Tanlovda ishtirok etish uchun quyidagi havola orqali roʻyxatdan oʻtishingiz zarur.

Qoʻshimcha ma’lumotlar uchun quyidagi telefon va elektron pochtasiga murojaat etishingiz mumkin: +998 97 747 06 33, rimma.mukhtarova@gmail.com

Asosiy sanalar

MIT.UZ Open Data Challenge 2016da ishtirok etish va tayyorgarlik koʻrish quyidagi bosqichlar boʻyicha boʻlib oʻtadi:

Roʻyxatdan oʻtish – 2016-yilning 22 -noyabrigacha.
Ochiq ma’lumotlar va jurnalistika ma’lumotlari uchun trening – 2016-yil 24-25-noyabr kunlari.
Ochiq ma’lumotlar (koding) va ochiq ma’lumotlarga asoslangan ilovalarni ishlab chiqish boʻyicha trening – 2016-yil 24-25-noyabr kunlari.
MIT.UZ Open Data Challenge 2016 – 2016-yil 26-27-noyabr kunlari.
Gʻoliblarni taqdirlash marosimi – 2016-yil 12-dekabrda.
Qiziqib qoldingizmi? Roʻyxatdan oʻting!

Tadbir boʻlib oʻtadigan joy

INHA universiteti

Data.gov.uz Hackathon 2015

Data.gov.uz Hackathon 2015 ga o'tish

Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing

Ishlab chiqilgan: